Charter Document - 02450022

Willelmus dei gratia Exoniensis episcopus omnibus sue parrochie pertinentibus clericis et laicis tam presentibus quam futuris salutem et dei benedictionem Sciatis omnes tam futuri quam presentes quod ego Willelmus pro salute vivorum et requie defunctorum ecclesie nostre utilitati et honestati consulens dedi et concessi ecclesie de Plirntona videlicet sancti Petri et fratribus ibidem canonice deo servientibus lx solidos de prebenda canonici ecclesie sancti Petri Exoniensis unius cuiusque defuncti primo sui obitus dumtaxat anno fratribus ante memoratis iure perpetuo in elemosinam et possessionem ab ecclesia nostra et successoribus nostris obtinendos et hoc quidem assensu et petitione totius nostri capituli Tamen tali consideratione quod ecclesia Plimtone pro defuncto ecclesie nostre canonico tantum et tale per annum faciet obsequium seu officium quantum et quale et ipsa facere consuevit et debet pro fratre suo defuncto professo Dedi preterea ecclesie Plimtone quandam mansuram Exonie de terra ecclesie et capituli nostri scilicet mansuram quam habuit et tenuit Ranulfus de Haga et postmodum Clarembaldus usque ad diem sui obitus Cuius mansure donationem feci quoque nichilominus assensu et petitione capituli nostri in elemosinam libere et absolute inperpetuum fratribus pretaxatis ab ecclesia nostra optinendam et possidendam Quo sicut eorum indigentie nostra suffragari curat abundantia ita et pro nostris et nostrorum offensis pacare deum non desistat religionis eorum cultus et perseverantia Verum ut hec rata et inconcussa de cetero permaneant scripto et sigillo meo confirmavi et corroboravi et tam presentium quam futurorum notitie et memorie contradidi Proinde huius elemosina donationis prefate auctoritatem violare seu diminuere quisquis presumpserit eius arbitrio qui facit iudicium iniuriam patientibus examinandum se esse cognoverit Quicunque autem elemosinam predictam dei pro amore manutenuerit retribuat ei deus qui reddet unicuique iuxta opera sua in die districti examinis Valeat omnium vestrum caritas nostri memor Amen Nolo autem vos latere quia et pro me ipso et pro meis successoribus post mortem ecclesia Plimtone annuatim tale obsequium facere suscepit et concessit quale et ipsa faciet post obitum sui prelati proprii iuxta morem sue institutionis nisi forte caritas eorum gratiam pro gratia quantum libet adauxerit Quod et capituli nostri et Plimtone pari consideratione et assensu non minori sancitum esse in evum noveritis Dat Exonie vi nonis Iulii anno ab incarnatione domini MCXXXIII indictione xi epacta xii concurrente vi ciclo lune xiii termino paschali ix kalendis Aprilis die pasche vii kalendis Aprilis trigesimo tercio anno regni Henrici gloriosi regis Anglorum Cantuarie presidente archiepiscopo nomine Willelmo Testibus Ricardo filio Baldwini Baldwino de Ridvers Widone de Nunant Aluredo de Barnestaple Gauffido de Furnell Roberto Dano Willelmo filio Iohannis Huberto de Vals multisque aliis laicis et clericis Godefrido de Magnevilla Roberto de Rotomago Rogero camerario Gildeberto de Clistona