Charter Document - 02450007
| Charter Number: | 02450007 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1086 - 1103 |
| Date type: | Assigned |
| Resource Link(s): |
|
Charter:
Sciant omnes et presentes et futuri quod ego Osb[ernus] sancti Petri Exoniensis episcopus confirmo presenti carta donationem quam Rualandus Ladubed dedit ecclesie sancti Nicholai Exonie in die quando factus est monacus in eadem ecclesia scilicet terram de Pochelle et ecclesiam eiusdem ville que in ipso feudo est in perpetuam habendam et tenendam sicut elemosinam que ecclesiastico iure solet concedi et dari ecclesiis dei [et] omnes quicumque custodierint et manutenuerint hanc donationem factam habeant dei benedictionem et meam et quicumque eam retrahere aut auferre temptaverint aut aliquo modo impedire voluerint quantum mee fragilitati permittitur a consorcio sanctorum excommunicentur nisi resipiscant Valete