Charter Document - 02440259
| Charter Number: | 02440259 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1195 - 1205 |
| Date type: | Assigned |
| Resource Link(s): |
|
Charter:
S dei gratia Bathon et Glaston episcopus omnibus ad quos presens scriptum pervenerit salutem Noverit universitas vestra nos ratam et gratam habere compositionem que facta est inter decanum et capitulum Wellens ex una parte et Ernisium canonicum nostrum ex altera super terra de Bideham quam predictus Ernisius possidebat nomine prebende coram Iohanne abbate et Unfr[ido] priore de Forda et Baldwino priore de Axem a domino papa iudicibus delegatis scilicet quod predictus Ernisius resignavit predictam terram in manus nostras et nos illam eandem decano et capitulo Well ad fabricam ecclesie Well reddidimus Deinde vero decanus et capitulum de assensu et voluntate nostra eandem terram predicto Ernisio tradiderunt et dederunt tenendam per totam vitam suam reddendo inde annuatim fabrice ecclesie Well quadraginta solidos Nec oportebit predictum Ernisium invenire vicarium in ecclesia Well nec facere residentiam nisi voluerit Concesserunt etiam predictus decanus et capitulum ei spiritualem et canonicalem societatem tam in vita quam in morte et ut habeat stallum in choro et locum in capitulo et plenam communam sicut alii canonici Ut autem hoc ratum et inconcussum in posterum perseveret huic presenti pagine sigillum nostrum duximus apponendum