Charter Document - 02440248
| Charter Number: | 02440248 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1203 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Savaricus divina permissione Bathon et Glaston episcopus salutem in domino Quia de statu et promotione Wellen ecclesie sumus usque quaque prout tenemur esse solliciti oblata nobis oportunitate ad hoc libenter intendimus ut canonici in ea domino servituri numero simul et merito augeantur et quia tunc comode huiuscemodi providetur ecclesiis cum in eis tales ordinantur persone quarum prudentia et consilio tam in temporalibus quam in spiritualibus proficere valeant et augmenta percipere pleniora communicato virorum prudentum consilio et aliarum ecclesiarum informati exemplo concedimus et presentium auctoritate firmamus ut si abbas de Circestr ecclesiam de Melburn vel abbas de Alengen ecclesiam de Sutton ecclesie nostre Wellen voluerint in prebendas conferre ipsi et eorum successores de eisdem ecclesiis canonici sint Wellenses eorum fructus cum omni integritate in usus proprios perpetuo conversuri salva honesta et competenti sustentatione vicariorum qui vice eorum in ecclesia Wellen ministrabunt iuxta quod decanus et capitulum cum eorum assensu ordinaverit et eorum nichilominus qui ad ministerium earundem ecclesiarum necessarii videbuntur Valete in domino