Charter Document - 02440238
| Charter Number: | 02440238 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 - 1205 |
| Date type: | Assigned |
| Resource Link(s): |
|
Charter:
Omnibus Cristi fidelibus presentem cartam cernentibus Savaricus divina permissione Bathon et Glaston episcopus eternam in domino salutem Ex commisso nobis cure pastoralis officio commodis et utilitatibus virorum religiosorum et quantum cum deo et ratione possumus providere [debemus] et illorum necessitatibus propensiori studio condescendere quos magis nostra nostrorumque successorum pia provisione indigere cognoscemus Eapropter attendentes religionem pariter et honestatem dilectorum nostrorum abbatis et conventus sancti Michaelis de Periculo Marie crebrasque calamitates quas eis nostris temporibus impetus hostilis multipliciter infligere consuevit miseratione debita inducti eis karitative concessimus in ecclesia sua de Mertock annuatim nomine perpetue pensionis viginti marcas percipiendas per vicarios nobis nostrisque successoribus ab eisdem presentandos in quatuor terminis anni videlicet ad natalem domini v marcas ad festum sancti Iohannis v marcas ad pascha v marcas ad festum sancti Michaelis v marcas Ut autem hec nostra pia et karitativa concessio eis facta robur perpetue firmitatis obtineat presentem cartam eis fecimus et sigillo nostro communimus Hiis testibus Ricardo abbate Mucheln Benedicto abbate Atheling magistro Rogero de Winesham cancellario Wellense magistro Iohanne de Calne Roberto decano de Cinnoch Philippo persona de Articumbe Willelmo de Cerda et aliis