Charter Document - 02440221
| Charter Number: | 02440221 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1195 - 1205 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Savaricus divina permissione Bath et Glast episcopus eternam in domino salutem Noverit universitas vestra nos divini amoris intuitu ad petitionem dilectorum filiorum nostrorum in Cristo conventus Glaston ecclesiam beati Iohannis Baptiste de Northbinna sacristarie eiusdem loci dedisse et concessisse cum eam per decessum Rad[ulf]i presbiteri tempore confectionis huius carte eam regentis vacare contigerit ita scilicet quod sacrista eam in proprios usus ecclesie Glast habeat perpetuo possidendam cum omnibus pertinentiis suis salva quadam portione que vicario perpetuo in eadem ecclesia ministraturo successive est assignanda qui vicarius ad presentationem eiusdem sacriste est ibidem instituendus Et quoniam ea que perpetuo alicui sunt collata beneficia et maxime loco honesto et religioso perpetuum ac firmum robur debent optinere hanc donationem et concessionem nostram tam subscriptorum testimonio quam sigilli nostri appositione confirmamus inhibentes sub interminatione anathematis ne quis contra hanc ordinationem nostram solempniter factam venire presumens aliter quam supradictum est de dicta ecclesia disponat Hiis testibus magistro W capellano nostro magistro Nicholao de Luveriis Iohanne de Calna tunc officiali nostro Iohanne de Porta Willelmo Pasturel Sprengaldo et multis aliis