Charter Document - 02440218
| Charter Number: | 02440218 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1202 - 1205 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit Savaricus divina permissione Bath et Glaston episcopus eternam in domino salutem Que dicimus veritati debemus que promittimus fidei Sane cum dilecti filii monachi Glaston super multis articulis per literas apostolicas questionem nobis movissent labores pariter et sumptus declinare volentes ut nos ab instantia litis absolverent et ad pacem et concordiam nobiscum pariter convenirent in presentia delegatorum nobis a summo pontifice iudicum videlicet domini Elien episcopi et abbatis sancti Edmundi et prioris sancte Trinitatis Cantuar amicabiliter utrimque conveniendo promisimus ea que in scripto eorumdem iudicum continebantur ubi sua dependebant sigilla apposita fideliter observare et si qua secundum eiusdem scripti tenorem de contentis ibi peragenda supererantg bona fide effectu prosequente complere Ea propter pie recordationis predecessoris nostri Reginaldi Bath episcopi vestigiis inherentes priori et conventui Glaston ecclesie concedendum duximus et confirmandum ut de ecclesiis subscriptis in nostra diocesi constitutis sine omni difficultate diminutione et contradictione subscriptas percipiant et habeant pensiones videlicet ad sacristariam suam de ecclesia de Dulting iiii marcas de ecclesia de Sapewik xx solidos ad cantariam de ecclesia de Hamme xl solidos de ecclesia de Wynescomba unam marcam de ecclesia sancti Petri de Yvelcestr vi solidos viii denarios ad medariam de ecclesia de Stret xl solidos de ecclesia de Sowy iiii marcas ad elemosinariam de ecclesia de Camelerton unam marcam et de ecclesia de Middilton x solidos ad infirmariam de ecclesia de Berwes dimidiam marcam ad opus ecclesie Glaston de ecclesia de Murlinch c solidos de ecclesia de Wryngton xl solidos de ecclesia de Dychesyat iii marcas de ecclesia de Batecomb xx solidos de ecclesia de Mell xx solidos de ecclesia de Budd xx solidos de ecclesia de Monketon ii marcas de ecclesia de Estbrenta unam marcam de ecclesia de Limplisham unam marcam Concessimus preterea ad sacristariam et ad fabricam Glast ecclesie ecclesiam sancti Iohannis Glaston et ecclesiam de Estpennard cum omnibus pertinentiis suis in proprios usus Quod ut ratum sit et firmum sigilli nostri appositione presens scriptum duximus confirmandum