Charter Document - 02440209

Universis Cristi fidelibus ad quos presens scriptum pervenerit Savaricus dei miseratione Bath et Glaston episcopus salutem in domino Noverit universitas vestra quod Ricardus Brito prius per patentes litteras nobis directas postea in propria persona nos accedens refutavit per librum in manus nostras et spontanea ac libera voluntate resignavit ecclesiam de Muleburn quam tenebat ab abbate et canonicis de Cyr ad firmum annuam xx marcarum omni iuri et possessioni renuncians quod in ea dicebatur habere et inde sicut prius per litteras suas ita viva voce postmodum se postulavit absolvi Et revera iam pridem predictos abbatem et canonicos institueramus in prefata ecclesia de Muleburne concedentes eis secundum confirmationes et scripta apostolicorum patrum que inspeximus quod eandem ecclesiam proprie suis usibus retinerent et cum fructibus et pertinentiis omnibus integraliter in perpetuum possiderent Set et eo tempore quo nominatus Ricardus firme quam tenuit per litteras suas ut diximus nobis directas cedere curavit cum de ipsius resignatione per viros ydoneos et fidedignos constitisset anno coronationis illustrissimi regis Anglorum Iohannis apud Cantuar cum venissemus Wynt ante initium quadragesime per Willelmum celerarium eiusdem loci canonicum ad nos transmissum ex parte abbatis et canonicorum Cyr eosdem reduximus in plenam restitutionem et integram possessionem sepedicti ecclesie de Muleburne concedentes eisdem canonicis ut per eos quos vellent de suis et quandocumque vellent auctoritate nostra liberum esset eis uti administratione et possessione plenaria illius ecclesie et memoratum R qui per litteras postulavit absolvi benigne a firma illa quam tenuerat duximus absolvendum Processu vero temporis accedentes ad ecclesiam de Cyr in pleno capitulo coram domino abbate et canonicis id quod antea feceramus tam de institutione quam de possessionis eorum restitutione protestantes solempniter quasi per renovationem celebrem duximus reformandum in signum et confirmationem facti nostri textum domino abbati et canonicis manualiter porrigentes Set et venienti ad nos supranominato R facta ab eo resignatione in propria persona quam per litteras eius fuisse factam constabat institutionem et restitutionem iuris et possessionis quam feceramus dictis canonicis in eadem ecclesia de Muleb in ipsius R presentia et approbatione et communi multorum audientia factum nostrum iterato protestantes manifestius decrevimus declarandum Subiecimus etiam excommunicationi quoslibet iurisdictioni nostre subiectos qui de cetero impedire presumerent quominus prefati canonici supranominatam ecclesiam pacifice et integraliter possiderent