Charter Document - 02440208
| Charter Number: | 02440208 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1204 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Savaricus divina permissione Bathon et Glaston episcopus salutem in domino Noverit universitas vestra quod nos inspecta carta Rogeri Arundel patroni ecclesie de parva Sandford quam super eadem ecclesia fecit deo et ecclesie beate Marie et sancti Iohannis Evangeliste de Legh et canonicis ibidem deo servientibus ipsam ecclesiam de parva Sandford cum omnibus ad eam pertinentiis prefate ecclesie de Legh et canonicis in ea perpetuo residentibus divine pietatis intuitu in proprios usus concessimus et presenti scripto confirmavimus statuentes ut prefati canonici de Legh post decessum magistri Rad[ulf]i de Hospitali persone ecclesie disponant salva honesta sustentatione perpetui vicarii in eadem ecclesia ministraturi qui nobis et successoribus nostris de cura animarum et de sinodalibus plenissime respondebit Ut autem hec nostra concessio perpetue firmitatis robur optineat eam presenti scripto et sigilli nostri munimine duximus roborare Hiis testibus Alexandro decano de Well Ricardo abbate de Much Roberto archidiacono de ultra Peret Thoma decano de Taunton magistro Willelmo de Cicestr Iohanne de Caln et pluribus aliis