Charter Document - 02440206
| Charter Number: | 02440206 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1205 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Sevaricus divina permissione Bathon et Glaston episcopus salutem in domino Noverit universitas vestra nos auctoritate episcopali confirmasse deo et beate Marie de Briwton et canonicis regularibus ibidem deo servientibus omnes terras et possessiones quas Henricus de Caravill senior et Antigona filia eius et heres et Alexander de Cantelo eidem ecclesie et canonicis pia devotione concesserunt et cartis suis quas diligenter inspeximus confirmarunt videlicet ex donatione H de Caravill unam virgatam terre et dimidiam cum pertinentiis et triginta unam denariatas terre in eadem villa et ortum ante portam atrii cum bordello et totum ius quod habuit in foresta de Selewud et ex donatione prefate Antegone unam acram terre ad edificandam curiam suam et unam particulam terre extra portam eorum et ex donatione memorati Alexandri quicquid idem Alexander habuit in villa de Briwton scilicet hundredum et forum et terram de la Cumba et si quid aliud in eadem villa habuit Ut autem hec nostra confirmatio perpetue firmitatis optineat robur eam presenti carta et sigilli nostri munimine dignum duximus roborare Si quis autem contra eam temere venire attemptaverit indignationem dei omnipotentis et gloriose virginis se noverit incursurum Valete