Charter Document - 02440196
| Charter Number: | 02440196 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1199 - 1200 |
| Date type: | Internal, A.D. |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Savaricus dei gratia Bathon et Glaston episcopus salutem in domino Noverit universitas vestra nos de communi consilio et assensu Alexandri decani Wellen et totius eiusdem loci capituli concessisse abbatibus et conventui sancte Marie Becci in perpetuum ecclesiam sancti Andree de Cliva cum omnibus pertinentiis suis in prebendam Wellen statuentes et concedentes ut dicti abbates et conventus de Becco in perpetuum ecclesiam illam habeant et teneant integre et quiete ab omni exactione episcopali et archid[iaconorum] et officialium suorum tamquam liberam prebendam et inde canonici sint habentes stallum in choro locum in capitulo et communam et plenariam fraternitatem ecclesie Wellen in vita et in morte more aliorum canonicorum eo excepto quod dicti abbates et conventus nullatenus cogi poterunt ad residentiam faciendam in ecclesia Wellen in propria persona et quod contra hoc nichil impetrabimus et si quid impetratum fuerit eo non utemur Invenient etiam memorati abbates et conventus de Becco vicarium perpetuo residentem in ecclesia Wellen ministrantem pro eis in officio sacerdotali qui recipiet ab eis quatuor marcas sterlingorum in quatuor terminis anni scilicet in natali unam marcam in pascha unam marcam in festo sancti Iohannis unam marcam in festo sancti Michaelis unam marcam per procuratorem suum quem constituent super ecclesia de Cliva recepturum etiam alia que vicarium contingunt ministrantem in officio sacerdotali in ecclesia Wellen secundum consuetudinem eiusdem ecclesie Concessimus etiam ut pro abbatibus Beccen decedentibus fiat obsequium in ecclesia Wellen in die obitus sui et die anniversarii sicut pro episcopis Bathon quantum ad spiritualia medio autem tempore tanquam pro canonico nostro et pro fratribus decedentibus sicut pro canonicis nostris in obitu et die anniversarii et medio tempore sicut consuevit fieri pro canonicis nostris in spiritualibus procuratione excepta Concessimus etiam quod sive abbas sive alius quilibet monachus Beccen vel de ordine Becci per Welles transitum fecerit plenariam habeat communam tanquam canonicus Wellen id idem de nobis et fratribus nostris in vita et in morte in ecclesia Beccen de eorundem concessione habituri Quod ut ratum sit et firmum sigilli nostri auctoritate duximus roborandum Actum anno gratie MCXCIX in presentia domini H Cantuar archiepiscopi Rad[ulfi] primi abbatis de Cliva Godefridi fratris comitis Flandrensis archidiaconi Cameracen magistri I de Tinemue magistri Willelmi de Sumercote Iohannis de Sancto Edmundo