Charter Document - 02440195
| Charter Number: | 02440195 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1192 - 1195 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Savaric[us] dei gratia Bath episcopus eternam in domino salutem Ex iniuncte nobis sollicitudinis officio tenemur viros religiosos protegere eorumque iura et possessiones quatenus ad nostre administracionis pertinet debitum in tranquillo statu studiosius conservare Ea propter nos religionem et hospitalitatem qua monachi Beccens preminent atendentes quo melius et religioni vacare et opera pietatis possint uberius excercere ecclesiam de Cliva Willelmi de Rumara cum universis pertinenciis suis eisdem monachis concedimus et confirmamus perpetuo possidendam indulgentes eis ut omnes fructus et proventus eiusdem ecclesie in proprios usus convertant et de eisdem pro ut melius sibi expedire noverint libere disponant salvis episcopalibus consuetudinibus salva etiam honesta et sufficienti sustentatione capellani et eorum qui in ipsa ecclesia per eosdem monacos ministrabunt Ut autem huius indulgencie nostre concessio firma et stabilis perseveret eam autoritate qua fungimur confirmamus et tam sigilli nostri appositione quam testium subscriptione communimus His testibus R Constancien archidiacono B cancellario Saresb R de Butemunt I de Monte Acuto et multis aliis