Charter Document - 02440182
| Charter Number: | 02440182 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Restoration, Appropriation |
| Date: | 1195 - 1205 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Savericus divina permissione Bathon et Glaston episcopus salutem in domino Et divinis constitutionibus et nature legibus cautum est ut semper in filios dulcius et uberius patrum recurrat affectus Unde nos patris habentes officium habundantes affectum ad universitatis vestre volumus devenire notitiam quod Bathon ecclesie et dilectorum filiorum prioris et monachorum in ea deo servientium iura non tantum illesa conservare set grassata redintegrare cupientes ecclesiam de Weston cum omnibus pertinentiis suis a quibusdam decessorum nostrorum eis ut dicitur minus iuste subtractum et archidiaconis Bathon in monachorum preiudicium collatum divine caritatis intuitu eis plenarie restituimus ipsam in usus proprios monachorum assignantes Ut autem hec nostra concessio perpetuam optineat firmitatem eam sigilli nostri inpressione confirmavimus Hiis testibus Willelmo capellano magistro Roberto de Castelford Iohanne de Monte Ferrato Ricardo coco Waltero marescallo Petro forestario de Bercleye Ricardo Flaundreys Gilberto Vaillaunt Wilberio bastardo et aliis