Charter Document - 02440178
| Charter Number: | 02440178 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 - 1191 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Rain[aldus] divina permissione Bath episcopus salutem in domino Noverit universitas vestra nos dedisse monachis de sancto Swithuno in Wint molendinum nostrum de Dokemeresfeld cum omni integritate sua in terris et in aquis et motura preter moturam tantum domus nostre et successorum nostrorum que debet moli in predicto molendino sine theloneo et nos et omnes successores nostri debemus habere in eodem molendino libertatem que dicitur stemfri Dedimus quidem prefatum molendinum prefatis monachis in excambium illius prati quod est infra septa parci nostri Quod ut ratum sit et firmum presenti carta et sigillo nostro duximus confirmandum Hiis testibus Alexandro decano Well Roberto archidiacono Bath magistro Godefrido de Lanton Willelmo de Cerda Iocelino capellano magistro Rogero de Douelix Hugone de Welles Osberto de Wolvesia monacho Rad[ulf]o senescallo de sancto Swythino Osberto de Wolvesia serviente et Serlone fratre eius et multis aliis