Charter Document - 02440171
| Charter Number: | 02440171 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 - 1191 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Rain[aldus] miseratione divina Bathon ecclesie minister salutem in auctore salutis Que pie statuuntur firma debent stabilitate subsistere ne perversorum possit ea malignitas in aliquo perturbare Quapropter nos gratam et acceptam habentes donationem quam Cecilia de Timbrescum et Cristina et Alicia et Sarra sorores de assensu et voluntate virorum suorum videlicet R filii Durandi I de Culumstok et Nicholai filii Willelmi fecerunt deo et ecclesie beati Andree in Well de ecclesia de Timbrescumb episcopali qua preminemus auctoritate statuimus et confirmamus ut ecclesia Wellen habeat et teneat in perpetuum prefatam ecclesiam cum omnibus pertinentiis suis in puram et liberam elemosinam adeo plenarie integre et pacifice sicut eam aliquis melius integrius et quietius noscitur possedisse Quod ut stabili firmitate permaneat illud presenti scripto nostroque sigillo duximus roborandum Si quis autem hanc donationem et nostre confirmationis paginam infringere voluerit et ecclesiam prefatam ab ecclesia Wellen alienare presumpserit maledictionem dei omnipotentis et beati Andree apostoli et nostram se noverit incursurum Hiis testibus T archidiacono Well Herm[anno] de Wyflescumb Stephano de Torn magistro Rogero Nicholao Bagg Waltero capellano de Torna Ricardo de Herlem viccarch[idiacono] Absalone capellano de Timbrescumb Waltero de Chedingef Math de Netelcumb B de Orcherd Ph de Walinton A filio Durandi Iohanne de Briwes Henrico de Tracy Hugone de Lambrok et aliis