Charter Document - 02440170
| Charter Number: | 02440170 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Restoration |
| Date: | 1174 - 1186 |
| Date type: | Assigned |
| Resource Link(s): |
|
Charter:
Regin[aldus] dei gratia Bathon episcopus omnibus Cristi fidelibus ad quos presens carta pervenerit salutem in domino Accedens ad nos dilectus in Cristo filius noster Willelmus de Iatton sua nobis insinuatione monstravit quod virgata quedam terre de Iatton scilicet que fuit Segar[o] ad ecclesiam suam de Iatton debeat pertinere quod et multorum testimonio didicimus Unde quia prefato Willelmo et ecclesie sue sua iura volumus integra et illibatad conservari prefatam virgatam ipsi et ecclesie sue liberam et quietam reddidimus imperpetuum possidendam et habendam Quod ut nullis in posterum temporibus infirmetur presentis scripti patrocinio et sigilli nostri munimine duximus roborandum Hiis testibus Ricardo decano Wellen Toma et Ricardo archidiaconis Willelmo et Iocelino capellanis Willelmo de Cicestr Ernaldo filio Theobaldi Petro de Winter