Charter Document - 02440167
| Charter Number: | 02440167 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Reginaldus divina miseratione Bathon ecclesie minister salutem in auctore salutis Ad cure pastoralis pertinet officium ea que ecclesiis pia devotione fidelium conferuntur scripture testimonio roborare ne in posterum valeat aliquorum malignitate divelli In universitatis itaque notitiam venire volumus nos ratam et gratam habere et ea qua preminemus auctoritate confirmasse donationem quam venerabilis frater noster Henricus abbas Glaston assensu totius capituli sui fecit deo et beato Andree et ecclesie Wellen de ecclesia de Piltun et de ecclesia de Suthbrente cum omnibus pertinentiis suis in liberam et puram elemosinam statuentes ut ecclesia Wellen habeat et teneat in perpetuum prefatas ecclesias adeo plenarie integre et libere sicut aliquis eas noscitur possedisse Quod ut ratum habeatur et firmum presentis scripti testimonio et sigilli nostri appositione duximus confirmandum Si quis autem hanc donationem et confirmationis nostre paginam in irritum revocare voluerit et ecclesias prescriptas ab ecclesia Wellen alienare presumpserit indignationem dei omnipotentis et beati Andree apostoli et nostram incurrat Hiis testibus