Charter Document - 02440166
| Charter Number: | 02440166 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Reginaldus permissione divina Bathon ecclesie minister salutem in domino Cure pastoralis exigit officium ut que a fidelibus pia largitione ecclesiis conferuntur de episcopali sumant auctoritate perpetuam firmitatem Et ideo donationem quam fecit dilectus nobis in Cristo Robertus quondam de Boleville et Iohannes postea frater suus super ecclesia de Lideford deo et beato Andree et canonicis Well deo servientibus ratam et acceptam habentes statuimus et presentium auctoritate roboramus ut ecclesia Wellens habeat ac teneat in perpetuum memoratam ecclesiam cum omnibus ad eam pertinentibus in puram et liberam elemosinam adeo plenarie integre et pacifice sicut eam aliquis plenarius integrius et quietius noscitur possedisse Quod ne improborum malitia possit in irritum revocari presenti scripto cum nostri duximus appositione sigilli confirmandum Si quis donationem istam et nostre confirmationis paginam irritare voluerit et ecclesiam prenominatam ab ecclesia Wellen alienare presumpserit maledictionem omnipotentis dei et beati Andree apostoli simul et nostram nisi resipuerit se noverit incursurum Hiis testibus magistro Alexandro decano Well T archidiacono Wellen Iocelino capellano magistro Nicolao de Luver Hugone de Well Rogero de Godestow Stephano et Thoma de Tornac Willelmo de Winton Willelmo de Mertok et Rogero de Bradeford cum multis aliis