Charter Document - 02440161
| Charter Number: | 02440161 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Rainaudus dei gratia Bathon ecclesie minister salutem ab auctore salutis Que pietatis intuitu divinis conferuntur obsequiis provida decrevit antiquitas scripto commendare ne ea in posterum possit oblivio delere Ad universitatis itaque vestre notitiam volumus pervenire nos ratam et gratam habere et ea qua preminemus auctoritate confirmasse donationem quam dilectus in Cristo filius noster Simon Britto fecit deo et ecclesie beati Andree in Wellis de ecclesia Sancti Decumani cum omnibus pertinentiis suis in puram et liberam elemosinam statuentes ut ecclesia Wellensis habeat et teneat in perpetuum predictam ecclesiam adeo plenarie integre quiete et libere sicut aliquis eam liberius et quietius noscitur possedisse Quod ut ratum habeatur et firmum illud presentis scripti testimonio communimus et sigilli nostri appositione roboramus Si quis autem hanc donationem et confirmationis nostre paginam infringere voluerit seu ecclesiam predictam ab ecclesia Wellensi alienare presumpserit indignationem dei omnipotentis et beati Andree apostoli et nostram se noverit incursurum Hiis testibus Alexandro decano Well Thoma Well Roberto Godefrido Bathon archidiaconis Willelmo de Cerde et Iocelino capellanis magistro Rad[ulfo] de Lichelad et Rog[ero] de Doueliz Stephano de Tornaco et Thoma de Tornaco magistro Nicholao de Luveriis Hamelino de Columbariis senescallo Ricardo de Ken Stephano de Waleton Ricardo camerario Serlone pincerna Ricardo marescallo et multis aliis