Charter Document - 02440154
| Charter Number: | 02440154 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Rainaudus divina miseratione Bath ecclesie minister salutem in vero salutari Ad cure pastoralis spectat officium ea que fidelium pia devotione conferuntur ecclesiis scripture testimonio communire ne in posterum valeat improborum malignitate turbari Ad universitatis itaque vestre notitiam volumus pervenire nos concessisse et ea qua preminemus auctoritate confirmasse commune canonicorum Wellensium totum manerium de Northcury cum terra de Hacch ad illud pertinente cum ecclesia eiusdem manerii et pertinentiis eius que illustris rex Anglorum Ricardus et frater eius Iohannes comes Moreton dederunt et concesserunt deo et beato Andree in Well in puram et perpetuam elemosinam statuentes ut ecclesia Wellen et canonici ibidem deo servientes habeant et teneant in proprios usus suos prefatam terram cum ecclesia imperpetuum libere quiete integre et pacifice cum omnibus libertatibus et liberis consuetudinibus ad predictum manerium pertinentibus Quod ut ratum et firmum habeatur illud presentis scripti testimonio et sigilli nostri appositione roboravimus Si quis autem hanc donationem et confirmationis nostre paginam in irritum revocare voluerit et predictas terras seu ecclesiam ab ecclesia Wellen et communa canonicorum alienare presumpserit indignationem dei omnipotentis et beati Andree apostoli et nostram se noverit incursurum Hiis testibus Alexandro decano Wellen Thoma Wellj Roberto et magistro Godefrido Bath archidiaconis Willelmo de Cerdra Iocelino capell[anis] magistro Rad[ulf]o de Lichel magistro Rogero de Doueliz magistro Nicolao de Luvariis Ricardo de Ken Hamelino de Columbariis senescallo Ricardo camerario Serlone pincerna Ricardo marescallo et multis aliis