Charter Document - 02440132
| Charter Number: | 02440132 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens carta pervenerit R dei gratia Bath episcopus salutem Cure pastoralis nos ammonet sollicitudo non solum ut bona ecclesiarum nobis commissarum illesa et illibata conservemus verum etiam ut ea ampliare et dilatare curemus Unde est quod universitati vestre notum fieri volumus nos concessisse Henrico venerabili abbati Glaston et eius successoribus et ecclesie Glaston in perpetuum ut sine omni difficultate diminutione et contradictione singulis annis de ecclesia de Hamme xl solidos ad usus cantarie sue ad iiii terminos anni scilicet ad festum sancti Michaelis x solidos ad natalem domini x solidos ad pascha x solidos et ad natalem sancti Iohannis x solidos percipiant et habeant nomine pensionis Et ut ratum sit et firmum sigillo nostro confirmamus Hiis testibus Hugone Dunel episcopo Hugone Coventrens episcopo Alexandro decano Well Willelmo Pastrello et aliis