Charter Document - 02440128
| Charter Number: | 02440128 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Raynaldus dei gratia Bathepiscopus salutem in domino Cure pastoralis nos ammonet sollicitudo non solum ut bona ecclesiarum nobis commissarum illesa et illibata conservemus verum etiam ut ea ampliare et dilatare curemus Unde est quod universitati vestre notum fieri volumus nos concessisse Henrico venerabili abbati Glaston et eius successoribus et ecclesie Glaston in perpetuum ut ecclesiis suis in diocesi nostra constitutis sine omni difficultate diminutione et contradictione debitas et antiquas percipiant et habeant pensiones videlicet de ecclesia de Dychesyat et de ecclesia de Batecomb et de ecclesia de Hamme et de ecclesia de Wreyngton et de ecclesia de Murlinch Quod ut ratum habeatur et firmum presentis scripti patrocinio et sigilli nostri appositione duximus confirmandum Hiis testibus domino Hugone Dunelm domino Hugone Cestr magistro Alexandro decano Well Iordano de Wedmedon et multis aliis