Charter Document - 02440117
| Charter Number: | 02440117 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Reginaldus dei gratia Bath episcopus salutem in domino Cure pastoralis nos ammonet sollicitudo non solum ut bona ecclesiarum nobis commissarum illesa et illibata conservemus verum etiam ut ea ampliare et dilatare curemus Unde est quod nos universitati vestre notum fieri volumus nos concessisse Henrico venerabili abbati Glaston et eius successoribus et ecclesie Glaston in perpetuum ut sine omni difficultate diminutione et contradictione singulis annis de ecclesia de Melles xx solidos ad opus ecclesie Glaston percipiant et habeant nomine pensionis Et ut ratum sit sigillo nostro confirmamus Hiis testibus domino Hugone Dunelm domino Hugone Coventrens et aliis