Charter Document - 02440114
| Charter Number: | 02440114 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Regin[aldus] dei gratia Bathon episcopus salutem in domino Pium est et consentaneum rationi singulis ecclesiis in diocesi nostra constitutis quietem et tranquillitatem providere et conservare Inde est quod ad universitatis vestre notitiam volumus pervenire nos concessisse Henrico venerabili abbati Glaston et eius successoribus et ecclesie Glaston imperpetuum ut septem ecclesie sue videlicet ecclesia sancti Iohannis Glaston ecclesia de Mere ecclesia de Strete ecclesia de Budecleg ecclesia de S[a]pewik ecclesia de Merling et ecclesia de Sowi de cetero nulli penitus respondeant archidiacono nec nobis ipsis vel successoribus nostris in aliquo nisi in hiis que de iure sine auctoritate episcopali non poterunt terminari videlicet in di[s]cidiis et appellationibus ad nos vel successores nostros factis vel faciendis et institutionibus personarum et solemnibus penitentiis parochianorum et clericis ordinandis et ecclesiis dedicandis eo salvo quod denarios sancti Petri et denarios de caritate persolvant quos hactenus persolvere consueverunt Quod ut ratum habeatur et firmum presentis scripti patrocinio et sigilli nostri appositione duximus confirmandum Hiis testibus domino Hugone Dunelmense domino Hugone Cestrense episcopis Hugone Bardulf Willelmo Briwere Francone de Bohun Radulfo sine averio Radulpho filio Bernardi Iordano de Wethmedon Alexandro decano Well Rog[ero] Winton Thoma Wellen archidiaconis magistro Roberto de Gildeford archidiacono Iocelino capellano Willelmo de Cerd magistro Rog[ero] de Doueliz Hugone de Well Rog[ero] de Godest Willelmo de Winton Willelmo de Mertoc et aliis multis