Charter Document - 02440108
| Charter Number: | 02440108 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1177 |
| Date type: | Assigned |
| Resource Link(s): |
|
Charter:
Reginaldus dei gratia Bath episcopus omnibus sancte matris ecclesie filiis ad quos presens carta pervenerit salutem in omnium salutari Cum universos teneamur in Cristo diligere et bene operari ad omnes illos propensiori affectione et speciali quadam dilectionis prerogativa arctius tenemur amplecti quos vite honestas conversatio sancta probata religio plenius et uberius commendat Unde Cyrecestr ecclesiam multiplici titulo religionis et dicte conversationis venustissime insignitam ipsius religionis intuitu et sanctorum virorum in eadem commorantium devotionis respectu propensioris karitatis affectu eam duximus diligendam Noverit itaque universitas vestra quod nos predicte ecclesie religionis intuitu inducti et dilectissimi filii et fratris nostri Roberti de Cerdestok eiusdem ecclesie canonici et consanguinei nostri et amicorum ipsius precibus benigno affectu inclinati concessimus et donavimus prescripte ecclesie Cyr ecclesiam de Merstun liberam et quietam cum omnibus pertinentiis suis perpetuo possidendam quam Ricardus filius Odonis eiusdem ecclesie quondam advocatus eidem ecclesie de Cyrenc concesserat et carta sua confirmaverat Hanc autem concessionem fecimus salvis in omnibus episcopalibus consuetudinibus Ut igitur hec nostra concessio et donatio rata in posterum et inconvulsa permaneat presentis scripti munimine et sigilli nostri impressione eam duximus roborandam Testibus hiis magistro Ricardo Bath archidiacono Willelmo capellano Ernaldo clerico Willelmo de Cycestr Petro de Wynt Godefrido de Dinra Thoma de Dinan