Charter Document - 02440079
| Charter Number: | 02440079 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1189 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit R dei gratia Bathon episcopus salutem in domino Noverit universitas vestra nos concessisse et presenti carta confirmasse excambium quod fratres hospitalis Bathon fecerunt Ade pistori de Bath videlicet de terra que fuit Hugonis decani iuxta portam occidentalem pro terra supradicti A pistoris que iuxta balnea Bath sita est salvo redditu quem nobis prefatus H pro terra illa annuatim reddidit salvo etiam redditu monachorum quem sepedictus A pistor pro terra illa monachis Bath reddere consuevit Quare volumus et firmiter precipimus quod prefati fratres hospitalis Bath predictam terram que fuit A pistoris habeant et teneant bene et in pace libere et quiete et honorifice cum omnibus pertinentiis suis et prefatus A terram que fuit H decani simili modo teneat et possideat Et ut hec concessio et confirmatio utrique parti facta firma et stabilis in perpetuum perseveret eam presentis scripti munimine et sigilli nostri appositione duximus confirmandam Hiis testibus magistro A Wellen subdecano Ricardo archidiacono Constant Iocelino capellano magistro Rogero de Doueliz magistro Rogero Hereford Rogero de Simundesb Rogero de Godestow Willelmo de Mertoc