Charter Document - 02440069
| Charter Number: | 02440069 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Rain[aldus] dei gratia Bath episcopus salutem in domino Noverit universitas vestra nos divine pietatis intuitu concessisse ecclesie beati Petri Bathon et priori et monachis deo ibidem servientibus pensiones illas quas in ecclesiis et capellis suis tempore nostro vel antecessorum nostrorum perceperunt videlicet triginta solidos in capella que sita est in cimiterio beati Petri Bathon ad opus sacristarie et ad opus infirmorum quatuor solidos in ecclesia sancti Iacobi et dimidiam marcam in capella de Walecote preterea in ecclesia de Eston unam marcam et in capella de Wika dimidiam marcam et in capella de Nordestoch dimidiam marcam et in ecclesia de Niweton de donatione Simonis de Sancto Laudo dimidiam marcam et in ecclesia de Corston quatuor solidos et in ecclesia de Stanton octo solidos preterea de una virgata terre in Evercriz dimidiam marcam et de una virgata in Cheddr quinque solidos et de ecclesia sua de Stokes iuxta Westberiam de donatione Rogeri Witeng unam marcam Quod ut ratum sit et firmum presenti carta nostra et sigillo nostro duximus confirmandum Hiis testibus magistro Alexandro decano Wellen magistro Roberto de Geldef magistro Godefrido archidiaconis Bath magistro Rad[ulfo] de Lichel Rogero de Bona Villa Rogero de Simundesberg Hugone de Well clericis et multis aliis