Charter Document - 02440063
| Charter Number: | 02440063 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1191 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Rainaldus divina miseratione Bathon episcopus salutem in domino Veterum vestigia piorum pie sequentes et divine pietatis intuitu et vere caritatis instinctu eorum vestigiis inherentes donationem ymmo redditum quem pie recordationis Godefridus olim Bathon episcopus fecit deo et ecclesie beati Petri Bathon et monachis ibidem deo servientibus de manerio de Cumba cum omnibus pertinentiis suis libere prorsus et quiete ab omni servitio et consuetudine extra servitio domini regis eisdem monachis in perpetuum possidendo ratam habemus et presenti carta confirmamus Ceteras etiam terras quas bone memorie Iohannes olim Bathon episcopus eisdem monachis reddidit et postea memoratus Godefridus eis id ipsum carta sua confirmavit quam inspeximus et pre manibus habuimus et in presentia multorum discretorum legi fecimus videlicet Fordam Hamptonam Lyncombam et Southstoke ipsis monachis nostra auctoritate confirmamus statuentes ut prefati monachi terras prenominatas ad usum suum adeo libere quiete et pacifice in perpetuum possideant sicut eas aliquas unquam tempore melius et liberius possedisse noscuntur Hiis testibus