Charter Document - 02440049
| Charter Number: | 02440049 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1151 - 1166 |
| Date type: | Assigned |
| Resource Link(s): |
|
Charter:
Robertus dei gratia Bathon ecclesie minister humilis universis fidelibus et parochianis suis clericis et laicis salutem et paternam dilectionem Ad laudem et honorem regis sempiterni ad decorem etiam ecclesie Well quam licet indigni in honorem beati Andree apostoli consecravimus post multa que eidem ecclesie benigno caritatis intuitu contulimus aliquid etiam ad luminaris incrementum superaddere curavimus Inde est quod dimidiam hidam et dimidiam virgatam terre apud Dultinchot quas pro servitio suo Rad[ulfus] Martre qui per longa tempora nobis servierat ex nostra donatione possidebat sepedicte ecclesie ad incrementum luminaris ut dictum est comuni consilio cleri nostri concessimus et dedimus et huius scripti nostri pagina comunicavimus statuentes ut ipse Rad[ulfus] et heredes sui quo melius et firmius eis terra predicta iure perpetuo constare possit de ecclesia Wellens predictas terras iure hereditario teneant et ei singulis annis nomine pensionis in vigilia beati Andree apostoli persolvant tres cereos unum quidem trium librarum reliquos vero duos singulos duarum librarum Thestes sunt huius rei Petrus prior Bath