Charter Document - 02440043
| Charter Number: | 02440043 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1151 |
| Date type: | Internal, A.D. |
| Resource Link(s): |
|
Charter:
Robertus dei gratia episcopus Bath venerabili fratri et amico Roberto decano Sarr et fratribus sibi in domino commissis in veritate esse quod dicuntur ex officii nomine Quod ad notitiam multorum congruum pervenire duximus litterarum monumentis provida deliberatione mandare decrevimus Noverit itaque presens etas futurorumque posteritas nec non et nobis cara vestra fraternitas quod anno incarnationis dominice MCLI indictione xiiii concurrente vii epacta i in die nativitatis sancti Iohannis Baptiste in claustro ecclesie sancti Petri apostoli de Bathon Wadrigesilus de Curcellis reddidit in manum meam terram de prebenda de Writeleton quam prius occupaverat et diu violenter detinuerat Et ut in posterum securi essemus et qui nobis succederent ne ille sive aliquis per eum deinceps violentam manum in predictam terram extenderet nisi dictante ecclesiastica iustitia et iure et iudicio canonico tacto sacrosancto evangelio sepe nominatam terram in presentia nostra abiuravit Huius abiurationis testes ydonei presentes fuerunt Benedictus prior ecclesie Bathon Eustachius archidiaconus Petrus monachus Willelmus monachus alius Willelmus monachus Aluredus canonicus Wellens Robertus de Etebera Ascelinus presbiter de From Willelmus de Acy Hugo Puerius