Charter Document - 02440039
| Charter Number: | 02440039 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1136 - 1166 |
| Date type: | Assigned |
| Resource Link(s): |
|
Charter:
R dei gratia Bath episcopus omnibus parrochianis suis et universis fidelibus Cristi salutem Quotiens que iusta sunt postulamur moras ad concedendum facere nolumus ne differre bona desideria que magis facienda sunt videamur Quamobrem dilectis et religiosis fratribus nostris monachis de Ferleia annuentes universas donationes que eis in ecclesiis et terris vel in qualibet possessione in parrochia mea liberalitate regum largitione principum oblatione fidelium concesse sunt vel in posterum concedende sub dei et nostra protectione suscipimus et presentis carte munimine confirmamus De quibus hec propriis ducimus exprimenda vocabulis videlicet ecclesiam de Cluttuna cum omnibus pertinentiis suis decimam dominii de Thimbresbera ex dono Gaufredi dapiferi molendinum eiusdem ville ex dono Willelmi filii sui terram que reddit sex solidos in Clutt ex dono Ilberti de Caz item vii solidos de molendino eiusdem ville ex dono Willelmi de Greinvilla ecclesiam de Feremberga cum pertinentiis suis et terram que reddit v solidos terram de Bera ex dono Osmundi militis decimam de dominio Willelmi de Bera terram de Pridia ex dono Willelmi filii Iohannis terram de Chinctuna ex dono eiusdem Willelmi terram de Middetuna ex dono Willelmi Denebold terram de Heamtuna ex dono eiusdem Willelmi molendinum de Duuelicio ex dono Rad[ulfi] Wac Si qua igitur ecclesiastica secularisve persona hanc nostre confirmationis cartam sciens contra eam temere venire temptaverit secundo terciove commonita si non congrue emendaverit iram et maledictionem dei incurrat Cunctis autem eidem loco iusta servantibus et bona facientibus sit pax et gratia domini nostri Iesu Cristi hic et in eternum Amen