Charter Document - 02440019
| Charter Number: | 02440019 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1139 - 1157 |
| Date type: | Assigned |
| Resource Link(s): |
|
Charter:
Rodbertus dei gratia episcopus Bathoniensis universis sancte ecclesie filiis per parochiam suam deo militantibus ceterisque fidelibus ad quos ista cartula pervenerit in veritatis testimonio stare Noverit universitatis vestre fraternitas quod hec compositio inter monachos de Brikinio et monachos de Quarera in presentia nostra de ecclesia de Hardington facta fuit et firmata sigillo et carta ecclesie sancti Martini de Bello assensu Walteri abbatis eiusdem ecclesie et totius conventus videlicet quod monachi de Quareria dederunt xv marcas argenti Radulpho priori sancti Iohannis de Brikinio et fratribus eiusdem loci et ipsi calumpniam quam in predictam ecclesiam habuerunt in presentia nostra et nostrorum archidiaconorum et Benedicti prioris Bathoniensis et totius conventus in perpetuum sopita omni querela et omni retractione deposuerunt Hanc compositionem presenti carta et sigilli nostri attestatione confirmavimus et corroboravimus et ratam habuimus ecclesiamque predictam monachis de Quarrea in elemosinam dedimus in perpetuum possidendam salvo iure episcopali