Charter Document - 02440010
| Charter Number: | 02440010 |
|---|---|
| Cartulary Title: | Bath and Wells 1061-1205 Volume 10 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1136 - 1137 |
| Date type: | Internal, A.D. |
| Resource Link(s): |
Corpus Christi College, Cambridge - MS 111 (p119) |
Charter:
Anno incarnationis dominice MCXXXV Ego Rodbertus dei gratia ad presulatum Bathoniensis ecclesie electus et consecratus anno episcopatus mei primo concessi et confirmavi priori et aliis fratribus in eadem ecclesia deo servientibus quecumque antecessores mei vel de propriis redditibus illis contulerunt vel de iis que antiquitus illorum iuris erant sed postea pravorum violentia ablata fuerant quasi sua reddiderunt scilicet v hidas de Westona quas Iohannes episcopus qui me in hac episcopali sede precessit a Patricio de Caurt concessu Henrici regis emit et sancto Petro ac monachis eidem apostolo famulantibus donavit et denuo rex Anglie Stephanus die consecrationis sue apud Westmonasterium reddidit et carta sua confirmavit Insuper etiam et villam de Cumba quam Godefridus predecessor meus tempore suo eisdem fratribus pro remedio anime sue coram multis honestis personis tam clericis quam laicis reddidit sed et plenariam decimam de Bertona et Lincumba et decimam vinearum mearum de Lincumba et Beckenofna Concessi etiam eis capellas suas tam Bathe quam alibi sitas ita libere dispositioni prioris subiectas ut ipse capellanos earum canonice ponat et removeat Preter hec autem dei instinctu et bonorum virorum consilio et interventu reddidi eis terram de Suðstoca ad supplementum victus et vestitus eorum ita liberam et quietam ab omni servitio et consuetudine sicut ego unquam vel antecessores mei liberius et quietius tenuimus illam Annui quoque illis et molendinum facere iuxta viridarium meum et de salinis meis dedi eis xx summas salis singulis annis pro salute et memoria Iohannis episcopi qui illas procuravit Hanc vero donationem predictorum beneficiorum in dedicatione altaris quod dedicavi in honore et veneratione sancte Trinitatis optuli deo et sancto Petro coram omni populo et clero et sigilli mei impressione roboravi et confirmavi Precor autem omnes qui mihi in regimine huius ecclesie successuri sunt ut hanc donationem et oblationem sua etiam auctoritate confirment et corroborent quatinus dignam inde mercedem a deo percipiant Et si quis super hec predictis fratribus aliquid de suis possessionibus largitus fuerit et res ecclesie adauxerit dominus deus amplificet illum in regno suo et pro bonis temporalibus premia eterna illi rependat Acta sunt hec coram testibus hiis Symone abbate de Eðelingnia Ivone decano de Well Eustachio Martino et Hugone archidiaconis meis Martino priore de Glastonia Willelmo priore de Tantona Stephano canonico cognato meo Hamundo et Ricardo fratribus meis Rodberto de Fluri et Ivone militibus meis et multis aliis