Charter Document - 02439075
| Charter Number: | 02439075 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1200 |
| Date type: | Internal, A.D., Calendar, Episcopal |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Godefridus Dei gratia Wyntoniensis ecclesie minister eternam in domino salutem Ad iniunctum nobis spectat officium ea que religiosis pia fidelium largitione conferuntur scriptis autenticis communire et ne qua possent tractu temporis calliditate malignantium inquietari pastorali solicitudine providere Eapropter universitati vestre volumus innotessere nos paci et tranquillitati dilectarum in domino M[athilde] abbatisse et monialium de Whereweir prospicere volentes concessisse et pontificali auctoritate confirmasse Deo et monasterio de Wher et monialibus ibidem Deo servientibus et servituris in perpetuum decimas dominii Mathei de Poteria in Wellop et decimas dominii Anketilli de Brayboef in Drayton et decimas trium virgatarum terre in Chelewarton quas scilicet decimas de donatione patronorum ab antiquo possiderunt decimas etiam dominii sui de Wher et decimas dominii sui de Insula per pencionem annuam dimidie marce argenti solvendam parochiali ecclesie de Nywecherch et decimas novi asarti sui de Tokynton per pensionem annuam duorum solidorum solvendam parochiali ecclesie de Tokynton in liberam et perpetuam elemosinam possidendas et in usus proprios ipsarum convertendas Ut autem hec nostra confirmatio perpetuam opptineat firmitatem eam presentis scripti serie et sigilli nostri inpresione roboravimus salvo in omnibus iure episcopali et auctoritate et dignitate Wyntoniensis ecclesie Dat apud Wynton per manum Philippi clerici nostri xii kal April pontificatus nostri anno duodecimo Testibus Rogero archidiacono Wyntoniensi magistro Amico archidiacono Surr Gregorio Humfrido Terric capellanis Alex[andro] Willelmo de Turr Thoma de Chaliton magistris Roberto de Cornevill Godefrido Regny Simone Thoma Petro clericis Gervasio Iordano de Camera et multis aliis