Charter Document - 02430116
| Charter Number: | 02430116 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1219 - 1220 |
| Date type: | Assigned |
| Resource Link(s): |
|
Charter:
Petrus Dei gratia Wint[oniensis] episcopus [et Hubertus] de Burg iusticiarius Anglie dilecto sibi Roberto de Nevill decano Lichefeldie salutem Mittimus ad vos Rogerum filium Ioh[annis] ut querelam et narrationem suam quam nobis exposuit audiatis quia nobis videtur quod faciendum sit ei breve domini regis [direc]tum Henrico filio Comitis ut venire faciat per iiii milites de comitatu Cornubie coram iusticiis in banco iudicium et recordum ad diem certum et ut interim ponat in respectum duellum quod contra eum invadiatum est Nobis etiam videtur quod mandandum sit vic[ec]omiti Devon ut securos plegios ab eo capiat de clamato suo prosequendo quia vicecomes Cornubie non vult ut dicitur mandatis domini regis prout debet parere et accepta securitate id[em] vicecomitem Cornubie scire faciat demonstratum quicquid nobis inde visum fuerit habito consilio Martini de Patishill et aliorum virorum discretorum prout iustius et melius secundum narrationem suam videritis expedire faciatis Valet[e]