Charter Document - 02430107
| Charter Number: | 02430107 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1217 |
| Date type: | Assigned |
| Resource Link(s): |
|
Charter:
Walterus Dei gratia Eboracensis archiepiscopus Willelmus Londoniensis Petrus Wintoniensis Ricardus Dunelmensis Ricardus Sarresburiensis Hugo Lincolniensis Ioscelinus Bathoniensis et Glastoniensis Simon Exoniensis Willelmus Coventrensis eadem gratia episcopi Willelmus Marescallus comes Pembrocii Hubertus de Burgo iusticiarius Anglie Saerus comes Wintoniensis Iohannes Marescallus Thomas de Erdington universis Christi fidelibus litteras presentes visuris salutem Universitati vestre notum facimus quod dominus noster karissimus Henricus rex Anglie illustris nobis presentibus et consencientibus ac consulentibus intuitu Dei et pro salute sua propria et animabus predecessorum suorum dedit et concessit ad preces domini Guale tituli sancti Martini presbiteri cardinalis tunc apostolice sedis legati in Anglia qui pro pace sua et regni diu et multum laboravit ecclesiam de Cestretune que de sua erat advocatione cum omnibus pertinentibus ad illam Deo et ecclesie beati Andree Vercellensis et canonicis ibidem Deo servientibus ad sustentacionem eorundem quam quidem ecclesiam idem dominus Guala in honore Dei et beati Andree construxit ibidem habendam et possidendam in liberam et puram et perpetuam elemosinam consentiente et confirmante domino Roberto tunc Elyensi electo in cuius episcopatu consistit ecclesia memorata In cuius rei testimonium presentibus litteris sigilla nostra fecimus apponi