Charter Document - 02430084
| Charter Number: | 02430084 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1238 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus P[etrus] divina miseratione Wyntoniensis ecclesie minister humilis salutem in domino Ea que auctoritate predecessorum nostrorum locis religiosis data sunt rationabiliter et concessa per nos nolumus diminui set potius augmentari Quapropter ecclesiam de Westpersolte quam bone memorie Godefridus Wyntoniensis episcopus divine pietatis intuitu dedit et concessit Deo et ecclesie beate Marie Magdalen de Wynteneia et monialibus ibidem Deo imperpetuum famulantibus ac pontificali auctoritate confirmavit post decessum Willelmi de London rectoris eiusdem in usus proprios convertendam salvo eo quod ad earundem monialium presentationem perpetuus vicarius institueretur in ecclesia memorata nos eandem ecclesiam predictis monialibus quamvis alias confirmaverimus iterum confirmavimus et eas post decessum Willelmi de London supradicti in possessionem eiusdem ecclesie cum pertinentiis induci fecimus corporalem salva nobis et successoribus nostris episcopali auctoritate et Wyntoniensis ecclesie dignitate Ad presentationem etiam monialium earundem Ricardum de la Hull presbiterum vicarium instituimus in ecclesia sepedicta cuius vicaria arbitrio officialis nostri taxata in subscriptis consistit videlicet in decimis agnorum lane lactis et caseorum et in aliis minutis decimis totius parochie et in omnibus obventionibus altaris et in omnimodis decimis de terris Galfridi Porcar Segar Warini Ricardi filii Hernic quas habent in Westeleia Mesuagium etiam prefate ecclesie predictis monialibus totaliter remanebit ita quod dicto vicario domum invenient alibi competentem Sustinebit etiam idem vicarius et successores eiusdem omnia onera ad dictam ecclesiam pertinentia debita et consueta In huius autem rei testimonium presens scriptum fecimus sigilli nostri munimine roborari Dat apud Farnham ii non Iunii anno domini mccxxx octavo Hiis testibus magistro H de Miller tunc officiali nostro Hugone Wyntoniensi et Luca de Surr archidiaconis magistro Reginaldo de Wautham Petro Russinol Roberto de Clinchamp Simone persona de Crundal Rogero Wacelin magistro Drocon Iohanne vicario sancte Trinitatis de Guldeford Willelmo clerico presentium scriptore persona de Bagehurst et multis aliis