Charter Document - 02430082
| Charter Number: | 02430082 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1218 |
| Date type: | Internal, A.D., Regnal |
| Resource Link(s): |
|
Charter:
Hec est compositio facta inter dominum Petrum Wintoniensem episcopum et Walterum priorem et conventum ecclesie sancti Swithuni Wint[oniensis] ex una parte et dominum Willelmum Briewerr ex alia coram domino Willelmo Lond et domino Ricardo Sar episcopis et Eustachio de Faucoberg domini regis thesaurario arbitris de voluntate partium coram domino Gal sedis apostolice legato constitutis super querelis et exactionibus inter eos diu habitis de consuetudinibus et demandis quas idem Willelmus habuit et habere clamavit de hominibus predictorum episcopi Wintoniensis et prioris et conventus tam de foresta ballie predicti Willelmi quam de hundredo de Sumburn Scilicet quod idem Willelmus pro salute anime sue et uxoris sue et antecessorum et heredum suorum remisit et quietas clamavit de se et heredibus suis predictis episcopo Wintoniensi et priori et conventui et eorum successoribus et hominibus eorum imperpetuum omnes demandas consuetudines et exactiones quas percipere consuevit et percipere clamavit de eis de foresta predicta preter illas que continentur in carta regis Henrici tercii facta baronibus regni de foresta salvo iure domini regis Idem etiam Willelmus pro se et heredibus suis concessit predictis episcopo Wint[oniensi] et p[riori et] conventui et eorum successoribus et hominibus eorum in perpetuum quod quieti sunt de secta hundredi de Sumburn de [omnibus exac]tionibus consuetudinibus et demandis quas idem Willelmus dicebat ad se ratione predicti hundredi pertinere tempore antecessorum [domini regis si] predictus dominus legatus et dominus rex et eius consilium assensum prebuerint Acta sunt autem hec apud Sanctum Swithunum [Win]t decima die Augusti anno regni domini regis Henrici tercii secundo Hiis testibus Willelmo de P[ondelarche] Rogero filio Henrici Waltero de [Rumy]es Ricardo de Anesy Mauricio de Turevill Rogero de Baalun Willelmo de War[belto]n Galfrido de Sumborn Radulpho filio Ricardi Gilleberto de Esseleg Philippo de Totteford Nicholao de Kil[ham] [Walter]o de [Scoteney] Petro Rufo Rogero de Vilers et multis aliis