Charter Document - 02430080
| Charter Number: | 02430080 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1212 - 1227 |
| Date type: | Assigned |
| Resource Link(s): |
|
Charter:
Universis Cristi fidelibus Petrus Dei gratia Wintoniensis episcopus eternam in domino salutem Inter opera pietatis non modicum indicatur cum pauperum utilitati prospicitur et eorum sustentationi ut stet et maneat provida discretione providetur scriptura testante que dicit Beatus qui intelligit super egenum et pauperem in die mala liberabit eum dominus Eapropter nos precavere cupientes ne erogatio in Cristi pauperes facienda per constitutionem domini Henrici episcopi in domo sancte Crucis Wynton[ie] defraudetur vel pereat magistrum Alanum de Stokes quem virum novimus providum et fidelem elegimus et ei dicte domus curam cum pertinendis commisimus habendam et tenendam libere et quiete et pacifice toto tempore vite sue salva nobis et successoribus nostris auctoritate et dignitate in eadem Et in huius ordinationis testimonium ei presentem cartam fecimus sigillo nostro roborata[m] Hiis testibus magistro Roberto Basseth magistro Nicholao de Vien Dionisio de Burgoil clerico Roberto de Clinchamp Petro Russingnol magistro Hugone capellano Rogero Wascelin et multis aliis