Charter Document - 02430071
| Charter Number: | 02430071 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1233 - 1234 |
| Date type: | Assigned |
| Resource Link(s): |
|
Charter:
Universis Cristi fidelibus ad quorum notitiam presens carta pervenerit Petrus divina miseratione Wyntoniensis ecclesie minister humilis eternam in domino salutem Noveritis nos divine caritatis intuitu dedisse concessisse et presenti carta nostra confirmasse Deo et ecclesie beate Marie de Tychefeld et abbati et canonicis Premonstratensis ordinis ibidem Deo servientibus et eorum successoribus totam terram nostram quam habuimus in Cornhampton cum omnibus pertinendis suis sine aliquo retinemento in puram et perpetuam elemosinam quam quidem terram emimus de Ada de Cornhampton Dedimus etiam predicte ecclesie abbati et canonicis et eorum successoribus totum boscum nostrum cum omnibus suis pertinendis qui vocatur Cherlewode in puram et perpetuam elemosinam quem emimus de Iordano de Wakervile Et ut hec nostra donatio concessio et carte huius confirmatio inposterum perseveret presenti scripto sigillum nostrum apponere dignum duximus Hiis testibus magistro Alano de Sancta Cruce Willelmo atte Henne Ada de la Berre Emerico de Sace Reginaldo de Cunde Galfrido de Rupibus Iacobo de Northton Henrico de Wodecote Ricardo de Cardevile Thoma de Gumming Iohanne de Shifford Thoma Thable et multis aliis