Charter Document - 02430065
| Charter Number: | 02430065 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Award |
| Date: | 1218 - 1238 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Petrus divina miseratione Wyntoniensis episcopus eternam in domino salutem Noverit universitas vestra nos intuitu caritatis concesisse priori et conventui de Suthewyk viginti solidos nomine beneficii ad opus infirmarie sue de ecclesia de Farlington annuatim persolvendos quos videlicet rector predicte ecclesie de Farlington eidem infirmarie singulis annis ad duos terminos persolvet scilicet decem solidos ad Pascha et decem solidos ad festum sancti Michaelis Ut autem hec nostra concessio stabilis et firma permaneat eam presentis carte et sigilli mei munimine confirmavimus Testibus magistro Hunfrido de Millers magistro Nicholao de Viene et multis aliis