Charter Document - 02430061
| Charter Number: | 02430061 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1212 - 1227 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit P[etrus] divina miseratione Wyntoniensis ecclesie minister humilis salutem in eo qui est salus hominum Noverit universitas vestra nos episcopali auctoritate concessisse et confirmasse fratribus et sororibus novi hospitalis sancti Thome martiris de Suwerk rationabile donum quod Robertus de Begeham fecit et carta sua confirmavit eis de decima proveniente de molendino suo de Bedynton cum pertinentiis secundum tenorem carte sue eadem etiam episcopali auctoritate dedimus et presenti scripto confirmavimus eisdem fratribus predicte domus et sororibus rationabile donum quod Reginaldus de Bretingehirst fecit fratribus predictis et sororibus et carta sua confirmavit eis de decima feni de omnibus pratis suis secundum tenorem carte sue Et ut hec nostra confirmatio perpetue firmitatis robur optineat eam presenti sigillo nostro signatam roboravimus Hiis testibus magistro Humfrido de Millers Dionisio clerico Roberto de Climchamp Willelmo de Batill senescallo Galfrido de Loveriis Willelmo capellano Radulpho de Navar Willelmo de Alem Willelmo le Hirm et aliis