Charter Document - 02430056
| Charter Number: | 02430056 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1212 - 1215 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit P[etrus] Dei gratia Wyntoniensis episcopus salutem in domino Ad universitatis vestre notitiam volumus pervenire quod cum dilectus in Cristo A archidiaconus Surr preeunte assensu et auctoritate nostra de proprio emisset omnia tenementa et omnes terras eorurrf qui de ipso et archidiaconis predecessoribus suis in Suwerld iure hereditario per annuum servicium quinque solidorum et quatuor denariorum de feodo Wyntoniensis ecclesie tenuerant statim de consilio nostro in remedium salutis anime mee fundavit et edificavit quoddam hospitale in eisdem terris in honore Dei et beati martiris Thome ad perpetuam pauperum susceptionem unde quoniam ea que in usus pauperum pia fidelium devotione conferuntur perpetua debent pace ac securitate gaudere laudabile factum eiusdem archidiaconi pio favore prosequentes prescriptas terras cum omnibus ad eas pertinentibus in edificiis in ortis pomariis et aquis Deo et prefato hospitali in perpetuam elemosinam concessimus et presenti carta nostra confirmavimus salvo archidiacono Surr annuo et debito censu quinque solidorum et quatuor denariorum Hiis testibus domino Eustachio de Fakenbergh magistro Alano de Stokes magistro [Roberto] Basset domino Gregorio domino Ricardo capellano Dionisio clerico Amico clerico Symone capellano Thoma clerico et aliis