Charter Document - 02430054
| Charter Number: | 02430054 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1237 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis [presens scriptum inspecturis] P divina miseratione Wynton[iensis] ecclesie minister humilis salutem in domino Cum ex officio pastorali sacram religionem modis omnibus fovere debeamus et viros religiosos qui temporalibus lucris necglectis pauperes spiritu pro Cristo esse elegerunt diligere creare et eorum quieti sollicite providere teneamur pium propositum Iohanne que fuit uxor Roberti le Hod paterna affectione sequentes ecclesiam de Westysted quam dicta Iohanna ecclesie de Seleburn priori et canonicis ibidem Deo servientibus pro animabus nostris et antecessorum et successorum suorum contulerat in proprios usus convertendam cum tota terra quam idem religiosi habent de dono eiusdem Iohanne divine caritatis intuitu ecclesie beate Marie de Seleburn priori et canonicis ibidem Deo servientibus et eorum successoribus in perpetuum concedimus et presenti carta confirmamus habendam et tenendam in puram et perpetuam elemosinam salva honesta et sufficienti sustentatione vicarii in predicta ecclesia ministrantis cuius presentatio ad priorem et conventum dicte domus in perpetuum pertinebis Et ut hec nostra concessio et confirmacio firma et stabilis in perpetuum permaneat presens scriptum sigilli nostri inpressione roboravimus Dat apud Farnham per manum P Russinol pridie nonas Iunii anno domini mccxxxvii