Charter Document - 02430050

P divina miseratione Wynton[iensis] episcopus religiosis viris priori et conventui ecclesie beate Marie de Seleborne nostre dyocesis salutem in omnium salvatore Cum ex officio pastorali sacram religionem plantare et plantatam modis omnibus fovere debeamus et viros religiosos qui temporalibus lucris neglectis pauperes pro Cristo esse elegerunt diligere creare et eorum quieti sollicite providere teneamur Eapropter dilecti in domino filii ecclesias de Selebourne de Basinges et Basingestok in dyocesi nostra sitas que de advocatione vestra propria esse conprobantur cum capellis ab eisdem dependentibus ac aliis pertinendis suis ad uberiorem sustentationem ves[tr]a[m] et ad suscepucionem hospitum et pauperum ad domum vestram de Seleborn confluendum vobis et domui vestre predicte deputamus concedendo vobis per presen[tes ut easd]em ecclesias nunc de iure et de facto vacantes auctoritate vestra propria ingredi et in proprios usus perpetuo tenere valeatis salva honesta et com[petenti susten]tacione vicariorum in predictis ecclesiis ministrancium quorum presentatio ad priorem predicte domus religiose de Seleborne et canonicos eius[dem loci perpetu]o pertinebit iure et dignitate ecclesie nostre Wynton[iensis] semper salvis Quod ut in posterum ratum permaneat et inconcussum presentes litteras sigilli [nostri munimin]e roboratas vobis fieri fecimus patentes Hiis testibus domino Waltero abbate de Hyda domino Waltero priore Sancti Swthuni domino Stephano priore [de Mo]tesfunt magistro Alano de Stok magistro Willelmo de Sancte Marie Ecclesia tunc officiali nostro magistro Luca archidiacono Surreye magistro H[umfrido] de Millers Henrico et Hugone capellanis Roberto de Clincha[mp] Petro Russinofi et multis aliis Dat apud Wlvesey in die sancti Vincentii anno domini mcc tricesimo tercio