Charter Document - 02430048
| Charter Number: | 02430048 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis P divina miseratione Wynton[iensis] ecclesie minister humilis salutem in domino Cum ex officio pastorali sacram religionem modis omnibus fovere debeamus et viros religiosos qui temporalibus lucris despectis pauperes spiritu pro Cristo esse elegerunt diligere et creare et eorum quieti solliciti providere teneamur hinc est quod universitati vestre notificamus nos divine caritatis intuitu dedisse concessisse et presenti carta confirmasse priori et canonicis ecclesie beate Marie de Selebourn advocationes ecclesiarum de Basingges et de Basinggestok et de Selebourn cum pertinentiis et totam liberam terram redditum et pensiones ad predictas advocationes qualitercumque pertinentes habendas et tenendas predictas advocationes predictarum ecclesiarum cum pertinentiis prefatis priori et canonicis et eorum successoribus inperpetuum in liberam puram et perpetuam elemosinam in usus proprios et ecclesie sue predicte perpetuo convertendas et nos predictus P episcopus et successores nostri Wynton[ienses] episcopi predictas advocationes predictarum ecclesiarum terra[m] redditum et pensiones cum pertinentiis predictis priori et canonicis et eorum successoribus et ecclesie sue de Selebourn antedicte de consensu capituli nostri contra omnes gentes warantizare tueri et defendere tenemur in perpetuum Et ut hec nostra donacio concessio et presentis carte nostre confirmacio rate et stabiles in perpetuum perdurent presentem cartam sigilli nostri munimine duximus roborandam Hiis testibus domino Waltero abbate de Hyda domino Waltero priore Sancti Swthuni domino Stephano priore de Motesfunt magistro Alano de Stok magistro Willelmo de Sancte Marie Ecclesia tunc officiali nostro magistro Luca archidiacono Surreye Petro Russinol et multis aliis Dat apud Wolveseye per manum P de Cancell octavo decimo kal Febr anno domini mcc tricesimo tercio