Charter Document - 02430032
| Charter Number: | 02430032 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1206 - 1211 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit P permissione divina Winton[iensis] ecclesie minister humilis eternam in domino salutem Viris relligiosis in petitionibus suis honestis specialiter intendere nos oportet ut tanto liberius suo serviant creatori quanto ecclesie Dei prelatos sibi senserint in neccessitatibus benignius suffragari Eapropter nos relligionem et caritatem abbatis et conventus monasterii sancti Michaelis de Periculo Maris pia consideratione pensantes ecclesias de Basing et de Seleburn in diocesi nostra sitas cum omnibus pertinentiis suis eis auctoritate pontificalis officii confirmamus et pensiones etiam quas in eisdem ecclesiis bone memorie G predecessor noster pietatis intuitu noscitur concessisse sicut in eius scripto autentico plenius continentur In huius autem confirmationis nostre testimonium presentem eis cartam duximus concedendam Testibus hiis magistro Iohanne de London magistro Alano de Stok magistro Roberto de Pavill magistro R[oberto] Bass[et] R decano Winton[iensi] et multis aliis per manum P[etri] Russign sigilli nostri custodis