Charter Document - 02430026
| Charter Number: | 02430026 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1211 - 1224 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Petrus [divina] miseratione Wintoniensis ecclesie minister humilis eternam in domino salutem Ecclesiasticis officiis desudantes dignum est ecclesiastica remuneratione gaudere et orationibus pro salute fidelium iugiter insistentes et hospitalitatis opera pia [devotione ex]cercentes pium est de bonis ecclesie locupletari Ea propter attendentes quam pio affectu expansis caritatis visceribus domus sancti Pancratii de Lewes hospites passim admittat dilectis filiis monachis ibidem Deo servientibus ecclesia[m sancti Olavi] in Suthewerk cum omnibus pertinentiis suis in usus et refectionem hospitum convertendam duximus concedere et auctoritate episcopali confirmare salva honesta et sufficienti sustentatione vicarii qui ad eorundem monachorum pre[sentationem et per nost]ram vel successorum nostrorum institutionem ministrabit in eadem salva etiam in omnibus Wintoniensis ecclesie dignitate Et ut hec nostra concessio perpetua gaudeat firmitate eam presenti scripto et sigilli nostri patrocin[io communivi]mus Hiis testibus magistro Alano de Stok tunc officiali nostro magistro Roberto Basset magistro Roberto de Aren magistro Thoma de Ebleburn Umfrido capellano magistro Henrico de Walton magistro Raimundo de Winton Willelmo de Sancto Maxentio Ricardo de Berking Dionisio de Camera Ricardo de Elmham et aliis multis