Charter Document - 02430020
| Charter Number: | 02430020 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1206 - 1208 |
| Date type: | Assigned |
| Resource Link(s): |
|
Charter:
P[etrus] Dei gratia Wintoniensis episcopus dilecto et fideli suo custodi domus sue de Wulvesya et receptori suo ibidem quicumque pro tempore fuerit salutem gratiam et benedictionem Mandamus vobis quatinus sine occasione reddatis dilecto filio abbati de Hyda sexaginta solidos annuatim ad festum sancti Michaelis in quibus tenemur eidem pro recompensatione lx solidorum quos Rogerus de Molendinis ei reddere consueverat secundum tenorem cartarum dicto abbati super hoc predecessore nostro et nobis confectarum Volumus etiam quod dicta solutio sexaginta solidorum annuatim fiat predicto abbati vel attornatis suis non expectato nobis aliquo alio mandato Et in huius rei testimonium has litteras nostras patentes sigillo nostro signatas eidem fieri fecimus in testimonium predicte solutionis predicto abbati vel attornatis suis faciende in perpetuum eidem abbati remansuras