Charter Document - 02430019
| Charter Number: | 02430019 |
|---|---|
| Cartulary Title: | Winchester 1205-1238 Volume 9 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1206 - 1208 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit P[etrus] Dei gratia Wintoniensis episcopus eternam in domino salutem Cum bone memorie Godefridus predecessor noster concessisset dilectis filiis nostris abbati et conventui de Hyda sexaginta solidos annuos de molendino abbatisse sancte Marie et de molendino Hospitalariorum et de molendino Iocelini fratris regine singulis annis percipiendos in recompensatione lx solid[orum] quos Rogerus de Molend[inis] eis solvere consueverat nos de consensu predictorum abbatis et conventus in recompensatione eorundem lx solid[orum] assignavimus eisdem abbati et conventui x solidos scilicet de molendino de Durngate xxx solidos et de molendino de Draiton xxx solidos singulis annis ad festum sancti Michaelis percipiendos per manus eorum qui eadem molendina de nobis vel de successoribus nostris tenuerint Quos etiam lx solidos annuos presentium auctoritate ipsis confirmamus percipiendos donec in alio certo redditu eis pro voluntate sua competenter satisfecerimus Quod si forte de eisdem molendinis predicti lx solidi aliquando non potuerint eis reddi nos vel successores nostri de aliis redditibus nostris ipsos lx solidos plene faciemus persolvi Hiis testibus []